Vendparkimet për personat me aftësi të kufizuara, problem i shtruar për zgjidhje.
Me nisjen e sezonit turistik për vitin 2024 në Durrës krahas shumë përgatitjeve dhe masave të marra Bashkia e Durrësit në bashkëpunim me disa institucione ka ndërrmarrë nismën për rinovimin dhe vendosjen e sinjalistikave të reja horizontale dhe vertikale për personat me aftësi të kufizuara në të gjitha rrugët dhe zonat e qytetit.
Në akset rrugore , në parkime private dhe shtetërore si edhe pranë institucioneve të ndryshme janë shtuar vendparkime të reja për personat me aftësi të kufizuar.
Në fakt ky është një problem qytetar që asnjëherë nuk ka marrë zgjidhje përfundimtare prandaj shpresojmë që këtë herë Bashkia e Durrësit me ndërrmarjet që ka në varësi do ta ndjekë në vazhdimësi dhe për gjatë gjithë vitit problemin, dhe jo thjesht me fushata, që edhe këta persona të mos kufizohen nga e drejta e tyre për të lëvizur lirisht nëpër rrugët e qytetit.
Gjithashtu duhen marrë masa nga institucionet përkatëse që vendparkimet e caktuara për këtë kategori , të mos përdoren nga persona të tjerë, me qëllim që edhe këta njerëz të ndjehen pjesë e shoqërisë, të kësaj shoqërie që shpesh edhe i bullizon. Ndoshta edhe ata vetë do të ndjeheshin ndryshe sikur të gjithë ne,individë apo institucione shtetërore, organizata dhe shoqata të tjera të çfarëdo lloji në një mënyrë ose në një tjetër, të bëjmë atë që na takon për këtë shtresë të shoqërisë.
About The Author
