Irani shpall 5 ditë zie për vdekjen e presidentit
Udhëheqësi suprem i Iranit, Ayatollah Ali Khamenei ka shpallur pesë ditë zie pas vdekjes së presidentit të vendit, Ebrahim Raisi, i cili humbi jetën pas një aksidenti ajror të dielën Raisi humbi jetën pasi helikopteri ku udhëtonte u rrëzua në një zonë malore të Iranit veriperëndimor, së bashku me ministrin e Jashtëm Hossein Amir-Abdollahian.
Presidenti Raisi, 63 vjeç, ishte cilësuar si pasardhës i mundshëm i liderit suprem. Zgjedhjet për presidentin e ri do të mbahesh më 28 qershor.
Ndërkohë, zëvendës-presidenti Mohammad Mokhber është emëruar për të marrë detyrat e përkohshme.Kabineti i Iranit ka emëruar gjithashtu zëvendësministrin e Jashtëm Ali Bagheri Kani si ushtrues detyre të ministrit të jashtëm.
Zona ku ra avioni është afër kufirit me Azerbajxhanin, ku Raisi ishte takuar me Presidentin Ilham Aliyev për inagurimin e disa digave.
Gazeta iraniane e lajmeve Tasnim, raportoi se varrimi i Presidentit Ebrahim Raisi do të zhvillohet të martën në Tabriz.
About The Author
