Protesta në sheshin Skëndërbej, pastor Akil Pano: Ambasadorë të Perëndimit, ne jemi shqiptarë, po mbrojmë familjet
Pastori Akil Pano, thotë se po mbron familjet e shqiptarëve, duke shpallur si rrezik ndaj familjes disa projektligje të qeverisë Rama, siç janë projektligji për surrogacinë, abortin në moshën 16 vjeçare, etj, por edhe komunitetin LGBT+ dhe atë që e quan “axhendë” të këtij komuniteti kundër familjes tradicionale.
Pano ka bërë thirrje për firmosjen e një peticioni kundër këtyre projektligjeve.
Pastori gjithashtu pati një mesazh për ambasadorët e huaj në Shqipëri, të cilëve u tha se Perëndimi ka shumë nevojë për ndihmë nga Zoti, ndërkohë që i kujtoi se popullsia që banon këtë shtet “janë shqiptarë”.
Thirrja e pastorit vjen para datës 25 maj datë në të cilën do të mbahet Parada e Krenarisë së Komunitetit LGBT+, ku një ndër kërkesat themelore të këtij komuniteti, është njohja ligjore e martesave të së njëjtës gjini.
About The Author
