Arrestohet 50-vjeçari në Durrës. Tentoi të vidhte dy makina

Policia në Durrës ka arrestuar një 50-vjeçar, në tentativë për të vjedhur dy makina. Mësohet se i arrestuari  edhe më herët ka qenë i dënuar për vjedhje.

Njoftimi i policisë:

Durrës/Finalizohet operacioni policor i koduar “Again”.

Ndërhyrja në kohë e shërbimeve të Policisë parandalon vjedhjen e 2 automjeteve.

U kap në flagrancë në tentativë për të vjedhur 2 automjete, pas mesnate, vihet në pranga 50-vjeçari, i dënuar më parë për vjedhje.

Shërbimet e Komisariatit të Policisë Durrës, gjatë patrullimeve në terren, me qëllim garantimin e rendit dhe sigurisë, kanë konstatuar pas mesnatës, në lagjen nr. 4, një shtetas që po tentonte të vidhte 2 automjete.

Shërbimet e Policisë kanë ndërhyrë menjëherë dhe në kuadër të operacionit policor të koduar “Again”, kanë kapur dhe arrestuar autorin e dyshuar, Vijojnë hetimet për dokumentimin e vjedhjeve të tjera që mund të ketë kryer ky shtetas.

Materialet procedurale i kaluan Prokurorisë, për veprime të mëtejshme, për veprën penale “vjedhje e mbetur në tentative”.

About The Author