Gjendet pa shenje jete një shtetas rus në Golem, Kishte humbur kontaktet prej disa ditësh.
Një 66-vjeçar rus është gjetur pa shenja jete në banesën e tij në Kavajë. Policia thotë se shtetasi rus prej disa ditësh nuk përgjigjej në telefon, kjo i detyroi uniformat blu të shkojnë në shtëpinë e 66 vjeçarit.
Shërbimet e Policisë kanë hapur me forcë derën e banesës, ku kanë gjetur pa shenja jete shtetasin V. U.
“Rreth orës 22:00, Policia e Kavajës është njoftuar se shtetasi rus V. U., rreth 66 vjeç, i cili jetonte në katin e tretë të një pallati në Golem.
Menjëherë shërbimet e Policisë kanë shkuar në adresën e dhënë dhe kanë konstatuar se dera e jashtme e banesës ishte e mbyllur. Shërbimet e Policisë kanë hapur me forcë derën e banesës, ku kanë gjetur pa shenja jete shtetasin V. U”, njoftoi policia.
Në vendngjarje shkoi grupi hetimor i cili nën drejtimin e Prokurorit po kryen veprimet për sqarimin e rrethanave dhe dokumentin ligjor të shkakut të humbjes së jetës të 66-vjeçari.
About The Author
