Kavajë Arrestohet “skifteri” në flagrancë. Dyshohet edhe për disa vjedhje të tjera.
Një 47-vjeçar ka përfunduar këtë të martë në prangat e policisë në Kavajë.
Blutë njoftojnë se ky person u kap në flagrancë duke vjedhur një televizor, në një banesë.
Dyshohet se 47-vjeçari mund të jetë edhe autor i 4 vjedhjeve të tjera të kryera gjatë 2 muajve të fundit.
“U kap në flagrancë duke vjedhur një televizor, në një banesë, vihet në pranga 47-vjeçari. 47-vjeçari dyshohet dhe si autor i 4 vjedhjeve të tjera të kryera gjatë 2 muajve të fundit. Komisariati i Policisë Kavajë, në vijim të punës për goditjen e paligjshmërive në fushën e vjedhjes së pronës dhe pasurisë, organizoi dhe finalizoi operacionin policor të koduar “Foreign”, si rezultat i të cilit u arrestua shtetasi A. Sh., 47 vjeç, banues në Vlorë. Nga veprimet hetimore dyshohet se ky shtetas, gjatë periudhës maj-qershor 2024, në 4 raste, ka vjedhur në lagje të ndryshme në Kavajës”, njofton policia.
Materialet procedurale i kaluan Porkurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
About The Author
