“Prodhon vetëm efekte negative”, Idrizi në Kuvend për ligjin e luftës me Greqinë: Absurd juridik.
Kreu i PDIU-së Shpëtim Idrizi ka lexuar në parlament projekt-deklaratën për heqjen e ligjit të luftës ndërmjet Greqisë dhe Shqipërisë.
Idrizi deklaroi se ligji për luftën mes Greqisë e Shqipërisë është një absurd juridik, që prodhon vetëm pasoja negative. Ai tha se Shqipëria dëshiron vetëm politikë paqësore e normale me fqinjët e saj, ndër këta edhe me Greqinë.
“Ne mbajmë parasysh se Shqipëria dhe Greqia janë anëtare të NATO-s dhe punojmë për sigurinë e përbashkët. Kemi mbajtur parasysh se mes Shqipërisë dhe Greqisë është nënshkruar traktati i miqësisë dhe sigurisë. Por, pavarësisht bashkëpunimeve, ligji i luftës mbetet në fuqi dhe prodhon pasoja negative. Mbretëria e Greqisë shpalli ligjin e luftës më 1940, pasuar me ligje të tjera. Në ligj thuhet se shtet armik ishte Italia dhe vendet e tjera që ishin nën pushtimin italian. Me Italinë çështja u zgjidh përfundimisht me Traktatin e Paqes në Paris. Edhe me Gjermaninë, Greqia e zgjidhi çështjen. Ligji i luftës me Greqinë është një absurd juridik. Pezull ka mbetur vetëm ligji i luftës me Shqipërinë. Greqia mban edhe sekuestro për pronat e nga ana tjetër traktat miqësie”, tha Idrizi.
Fjala në Kuvend e kreut të PDIU Shpëtim Idrizi:
Projekt – Deklarata është dëshmi e politikës sonë paqësore, por të vendosur për të gjetur një zgjidhje pas 84 vitesh, në lidhje me një absurd juridik të mbështetur mbi një absurd historik, siç është Ligji i Luftës që Greqia mban me Shqipërinë.
Ajo konfirmon dhe qëndrimin e këtij Parlamenti për forcimin e marrëdhënieve me Greqinë;
Që në krye kjo Deklaratë
Kuvendi i Shqipërisë, duke vlerësuar rëndësinë e madhe dhe nivelin shumë të mirë të marrëdhënieve dypalëshe strategjike me Greqinë, si dhe vullnetin e dyanshëm për t’i përmirësuar e thelluar ato në të mirë të dy vendeve dhe popujve tanë, si dhe kontributin për forcimin e paqes, sigurisë dhe bashkëpunimit në rajonin tonë;
Duke mbajtur parasysh se dy vendet tona janë anëtare të Traktatit të Atlantikut të Veriut dhe në këtë kuadër bashkëpunojnë pa rezerva për garantimin e sigurisë dhe mbrojtjes tonë të përbashkët;
Duke mbajtur shënim kontributet e përbashkëta të vendeve tona në organizatat e bashkëpunimit për paqen, sigurinë dhe të drejtat e njeriut, në rradhë të parë OSBE dhe KiE;
Duke vlerësuar kontributin e Greqisë për ecjen përpara të proceseve integruese në Bashkimin Evropian të vendeve të Ballkanit Perëndimor, dhe bashkëpunimin në organizatat rajonale përkatëse;
Duke mbajtur parasysh se midis Republikës së Shqipërisë dhe Republikës së Greqisë është nënshkruar “Traktati i Miqësisë, Bashkëpunimit, Fqinjësisë së Mirë dhe Sigurisë”;
Duke mbajtur shënim se marrëdhëniet mes vendeve tona kanë ecuri pozitive dhe se të dy vendet, në frymën e mirëkuptimit dhe në të mirë të dy popujve tanë, kanë bashkëpunuar për të zgjidhur çështjet e hapura mes vendeve tona;
Vëren se:
Ndryshe nga fryma e “Traktatit të Miqësisë, Bashkëpunimit, Fqinjësisë së Mirë dhe Sigurisë”, si dhe nga vullneti politik i dyanshëm i shprehur në mënyrë të përsëritur, Ligji i Luftës Nr.2636/40 mbetet ende në fuqi dhe vijon të prodhojë disa nga efektet negative, që lindin kur shtetet janë në gjendje lufte.
Megjithë vullnetin politik të shprehur publikisht në mënyrë të përsëritur nga përfaqësues të lartë të Greqisë, për ta shfuqizuar atë dhe adresuar pasojat ligjore të tij;
About The Author
