Të shtënat në Tale, zbulohet identiteti i të plagosurit, autori në arrati (Emri)
Alfred Marku është personi i mbetur i plagosur si pasojë e të shtënave të regjistruara në Tale, Lezhë.
Policia njofton se të shtënat u regjistruan në një zonë larg pushuesve në plazhin Tale, teksa motiv dyshohet se është bërë një konflikt për motive të dobëta.
Policia ka identifikuar autorit, i cili është ende në arrati.
“Autori i dyshuar i ngjarjes, shtetasi E.L, 30 vjeç, pasi ka kryer plagosjen, është larguar me një automjet në drejtim të autostradës, ku menjëherë janë ngritur dhe funksionojnë pikat e përkohshme të kontrollit policor.
Grupi hetimor ka sekuestruar në vendngjarje celularin e autorit të dyshuar dhe prova të tjera që do t’i shërbejnë hetimit për dokumentimin ligjor të këtij rasti”, njofton policia.
About The Author
