“Rama dëshiron ta kthejë qytetin në…”, anëtarja e Këshillit Bashkiak shpërthen kundër kullës 35 kate në Shkodër.

“Kulla nuk asht cool n’Shkodër’ me këtë slogan qindra qytetarë të mbështetur edhe nga shoqëria civile kanë marshuar ditën e hënë nga sheshi ‘Luigj Gurakuqi’ deri përpara bashkise së këtij qyteti, pasi janë kundër ndërtimit të një kulle shumë katëshe në kryeqendrën e veriut.
Ndërtimi i kullës sipas protestuesve është fillimi i shkatërrimit të identitetit të Shkodrës.
Eliona Shkreli, anëtare e ‘Këshillit Bashkiak Shkodër’, u shpreh për një program televiziv se kjo luftë për ta grabitur qytetin me doemos, ka qenë që Shkodra të kthej në ‘lavatriçen’ e radhës të pastrimit të parave të klientëve e miqve të kryeministrit Rama.

“Duhet që shkodranët, qytetaria, njerëzit e banorët të çohen e të mos lejojnë ndërtimin e kësaj kulle,sepse ndalimi i kësaj kulle do shpëtonte jo vetëm Shkodrën por edhe të gjitha ndërtimet kulturore të saj”- u shpreh Shkreli.
“Shkodra është një qytet unik sa i përket arkitekturës.
Në fakt deri më tani është një qytet i paprekur dhe është pasur kujdes nga pushteti vendor dhe nga qeveria e para 2013 që investimet të ishin të kujdesshme sidomos brenda në qytet dhe jemi kundër kësaj kulle, Shkodra është kundër kësaj kulle dhe e githë qytetaria shkodrane është kundër.
Përveç se është në zemër të qytetit të Shkodrës prish çdo imazh që qyteti ka,prish identitetin e saj historik e kulturor,
Shkodra është e pasur me trashëgimi kulturore, është e pasur me monumente kulture dhe është krejtësisht e pavend që të ndërtohet një kullë 35 kate vetëm sepse është një tekë e kryeministrit Rama dhe kryebashkiakut Beçi.

Shkodra kishte mbetur e paprekur dhe e gjithë kjo luftë për ta grabitur qytetin me doemos, ka qenë pikërisht kjo që Shkodra të kthej në lavatriçen e radhës të pastrimit të parave të klientëve e miqve ‘bossëve’ të krimit të drogës, miq të kryeministrit Rama.
Unë jam e bindur që hapja e kësaj kulle absolutisht çon në ndërtimin e kullave të tjera jo vetëm në Shkodër por në të gjitha pikat atraktive të saj, do vijojë padiskutim më Shirokën e Zogaj si dy pika turistike pranë liqenit të Shkodrës.
Duhet që shkodranët, qytetaria, njerëzit e banorët të çohen e të mos lejojnë ndërtimin e kësaj kulle,sepse ndalimi i kësaj kulle do shpëtonte jo vetëm Shkodën por edhe të gjitha ndërtimet kulturore që kanë mbetur të ‘virgjëra’ ashtu siç zoti i ka krijuar”- tha Shkreli.

About The Author