Debate e përplasje mes Erion Braçes dhe Gaz Bardhit në Kuvend.
Me debate është shoqëruar seanca e sotme plenare mes Gazment Bardhit dhe Erion Braçes në Kuvend, lidhur me raportimin e kreut të KLSH-së. Bardhi u shpreh se Kuvendi po shkel ligjin, pasi ka hequr nga lista raportimin e kreut të KLSH në seancë, për shkak se duhet të mbyllet sesioni brenda korrikut.
Braçe u shpreh se kreu i KLSH ka raportuar për disa herë në Komisionin e Ekonomisë, dhe se anëtarët e PD nuk i kanë bërë asnjë pyetje.
“Në Komision nuk kanë bërë asnjë pyetje, sot stisin një seancë vetëm me pyetje, kjo është e neveritshme, e një niveli ordiner”, tha Braçe.
Më pas, Bardhi ka replikuar nga vendi dhe pa mikrofon, ku me tone të larta i është drejtuar Braçes duke i thënë “palaço”.
“Kur shkel Kushtetutën, palaço je”, i tha Bardhi Braçes.
About The Author
