Çfarë po ndodh në Shqipëri?! Shtatë vetëvrasje brenda dy ditëve, nga hedhjet nga pallati, tek mbytjet dhe varjet
Rasti më i fundit ndodhi pasditen e sotme në Tiranë, pasi një 28-vjeçar u vetëvar.
Një tjetër vetëvrasje raportohet këtë të shtunë në kryeqytet, ku një i ri i ka dhënë fund jetës.
Ngjarja tragjike ndodhi në rrugën “Perlat Rexhepi”, ku 28-vjeçari me iniciale J. M., u vetëvar në banesë. Në vendngjarje ka mbërritur policia dhe grupi hetimor për zbardhjen e ngjarjes.
Brenda dy ditëve, raportohet shtatë vetëvrasje në vend! Sot në mesditë, një 60-vjeçare u gjet e vetëmbytur në Liqenin Artificial të Tiranës. Ndërsa në mëngjes, një e moshuar i dha fund jetës, duke u hedhur nga kati i pestë i banesës. Ngjarja ndodhi në rrugën “Hamdi Sina” në Tiranë, ku 78-vjeçarja ndërroi jetë në vend.
Një ditë më parë, Polumbarët e Reneas gjetën trupin e pajetë të një 21-vjeçari, që dyshohet se u vetëmbyt në një kanal me ujë në fshatin Çukas të Lushnjës.
Ndërsa një 23-vjeçare, e cila dyshohet se vuante nga probleme të shëndetit mendor, u hedh nga kati i pestë i pallatit të saj, në rrugën “Asim Vokshi”.
Të enjten, në afërsi të Medresesë, një 81-vjeçare i dha fund jetës, duke u vetëvarur në shtëpinë e saj.
About The Author
