Durrës. Në gjendje të dehur tenton të korruptojë efektivët e Rrugores, arrestohet 59-vjeçari në Durrës
Një 59 vjeçar është arrestuar nga policia në Durrës pasi drejtonte automjetin në gjendje të dehur dhe tentoi që t’i jepte ryshfet policit për të shmangur arrestimin.
Sipas policisë, Izet Ymeri është ndaluar në zonën e plepave për verifikime, ku ka rezultuar në gjendje të dehur.
Sapo i është kërkuar nga punonjësit e Policisë, që të bëjë testin e alkoolit, 59-vjeçari ka ofruar 1000 lekë. Punonjësit e Policisë kryen testin e alkoolit, i cili rezultoi 0.86 mg/l.
Në përfundim të veprimeve procedurale, ai arrestua për veprat penale “Korrupsioni aktiv i personave që ushtrojnë funksione publike” dhe “Drejtimi i automjeteve në mënyrë të parregullt”, si dhe materialet i kaluan Prokurorisë, për veprime të mëtejshme.
About The Author
