Pas dy dekadash, Microsoft do të mbyllë shërbimin e Skype! Ja data kur kompania do të tërheqë aplikacionin nga tregu
Pas dy dekadash në treg, kompania Microsoft ka vendosur që të mbyllë aplikacionin e thirrjeve me video Skype.
Skype “nuk do të jetë më i disponueshëm” për t’u përdorur duke filluar nga 5 maji, konfirmoi kompania në platformën “X” .
Mbyllja e Skype vjen 14 vjet pasi Microsoft bleu shërbimin për 8.5 miliardë dollarë, duke shënuar blerjen më të madhe të kompanisë në atë kohë, shkruan CNN.
Microsoft e integroi shërbimin në produktet e tij të tjera, të tilla si Office dhe shërbimi i tij i keq i operimit celular windows Phone.
Microsoft njofton se përdoruesit do të kenë rreth 10 javë kohë për të vendosur se çfarë do të bëjnë me llogaritë e tyre.
Popullariteti i Skype është zbehur vitet e fundit, pavarësisht se produkte të tjera të ngjashme si Zoom, Google Meet dhe Cisco webEx patën një rritje në përdorim.
About The Author
