Tre burgime të përjetshme për vrasësin e grave, Prokuroria e Tiranës shpall pretencën për Dan Hutrën
Prokuroria e Tiranës ka shpallur pretencën për Dan Hutrën.
Prokurori Enklid Gjini kërkoi tre dënime të përjetshme për Hutrën për akuzën e vrasjes së tre grave, konkretisht dënim i përjetshëm u kërkua për vrasjen e Mevlute Sadike, një tjetër për vrasjen e Hasime Datkut dhe po ashtu për vrasjen e Etleva Kurtit.
Për tre plagosjet, për të cilat prokuroria tha se janë vrasje të ngelura në tentativë, prokuroria kërkoi 35 vite burg për vrasjes e ngelur në tentativë të Elena Hysës, 35 vite të tjera për vrasjen e ngelur në tentativë Kujtime Hysës dhe 30 vite burg për vrasjen e ngelur në tentativë të Marjona Gurakuqit.
Prokurori i kërkoi gjykatës që Dan Hutra të dënohet edhe me pesë vite burgim për akuzën e sigurimit të kushteve për të kryer vrasjen, 7 vite burgim për mbajtjen e armëve pa leje dhe 3 vite burgim për prodhim të armëve të ftohtë.
Sipas gazetares Anila Hoxha, pretenca u shpall dje, ku në seancë i akuzuari përfaqësohej nga një avokat i caktuar nga shteti. Gjykata i ka lënë kohë të përgatisë mbrojtjen dhe caktoi seancën e radhës në 14 maj, ora 09:30.
About The Author
