Kërkoi lirinë me anë të garancisë pasurore, Apeli i GJKKO-së lë në qeli Erion Veliajn
Apeli i GJKKO-së ka lënë në fuqi masën e sigurisë “arrest me burg” për kryebashkiakun e Tiranës, Erion Veliaj. Ky i fundit kishte kërkuar lirimin nga qelia në këmbimit të garancisë pasurore, por kjo kërkesë është hedhur poshtë nga Apeli.
Veliaj ndodhet në burgun e Durrësit që prej datës 10 shkurt, pasi po hetohet nga SPAK për korrupsion pasiv në 9 episode dhe pastrim parash. Ai u arrestua me urdhër të Prokurorisë së Posaçme dhe që prej asaj kohe ka kërkuar disa herë lirimin nga paraburgimi, pa sukses.
Seanca e sotme në Apel erdhi pas ankimit të vendimit të 23 prillit, kur gjyqtari Erion Bani vendosi të vijojë masën e sigurisë, duke pranuar raportin periodik të SPAK mbi ecurinë e hetimeve.
Paralelisht, kryebashkiaku ka dërguar rekurs edhe në Gjykatën e Lartë kundër masës së sigurisë, por ende nuk është caktuar data e shqyrtimit apo trupa gjykuese që do ta shqyrtojë çështjen
About The Author
