Talo është vrarë”, vëllai i Nuredin Dumanit tregon sekretet e botës së krimit: U ekzekutua nga vëllezërit Çopja duke ngrënë bukë!
Duke ngrën bukë, i kanë ardhur nga mbarapa, tek plumb, i kanë rënë mbarap kokës…
Fitim Dumani, vëllai i vogël i Nuredin Dumanit, ka rrëfyer në Podcastin e Flamur Vezajt me detaje dhe emra për vrasjet e vëllait të tij dhe për ngjarje të caktuara, për të cilat Dumani ka marrë statusin e bashkëpunëtorit të drejtësisë.
Fitimit i cili vetëm pak kohë më parë është liruar nga burgu, deklaroi se vëllai i tij nuk ka qenë “ushtar” i asnjë grupi kriminal, por një vrasës i kontraktuar nga grupe të ndryshme kundrejt pagesës. Sa i takon arrestimit të Nuredinit, Fitim Dumani tregon se vëllai i tij nuk donte të dorëzohej dhe po priste kirurgët nga Tirana për ta operuar, pas pritës që i bëri Suel Çela. Por e gjeti dhe e arrestoi policia përmes telefonit që Çela i kishte dhënë para atentatit.
Fitimi dha detaje edhe për pritën që Suel Çela i bëri vëllait të tij në bashkëpunim me vëllezërit Çopja. Më tej ai thotë se SPAK po bën “show” dhe çdo gjë e shpërndan me regji.
Pjesë nga intervista:
-Ti thua që Suel Çela e ka dendoncuar Dumanin te policia, por Sueli sikur e kishte paguar për të bërë një ekzekutim?
Vëllai i Dumanit: Suel Çela është dërguar nga Franc Çopja, 500 mijë euro. Nuk ka dasht me u dorëzu ai miku (Nuredin Dumani), ka qenë duke u bërë operim në shtëpi ai. E ka kap policia e shtetit duke ja çuar tjetrit. Ai tjetri është Suel Çela.
-Ti mendon se Suel Çela e ka spiunuar ku është vendnodhja e tij?
Vëllai i Dumanit: Jo unë nuk mendoj, unë e di ngjarjen.
Sule Çela e dinte se ku ishte fshehur Dumani, apo e kishte njoftuar vetë Nuredini?
Vëllai i Dumanit: Po! Pak para se të plagosej, një orë para se të plagosej ka qenë me Suelin, ai.
-Ka qenë me Suelin, te ai atentati që do i bëhej atij në Elbasan, me porosi të Suelit?
Vëllai i Dumanit: Po pra, po ai ishte karremi që do i bëhej atij, atentati, por e vërteta është komplet tjetër.
….
Vëllai i Dumanit: Vëllai im u tradhtua nga i gjithë grupi i vet.
-Kush e qëlloi Suel Çela?
Vëllai i Dumanit: Ka qenë gjithë grupi, kanë qenë 5 makina nuk ka qenë 1.
Nga ana tjetër, Fitimi rrëfen edhe vrasjen e Talo Çelës, duke akuzuar vëllezërit Hajdar e Franc Çopja për ekzekutimin e tij. Sipas vëllait të Dumanit, Talo Çela është vrarë në një restorant duke ngrënë bukë.
Pjesë nga intervista:
-Po mirë tani, Talo Çela është vrarë thua ti?
Vëllai i Dumanit: Jo them unë, por është vrarë.
-Po trupin e tij di gjë se ku është vendosur apo se ke idenë?
Vëllai i Dumanit: Është zbardh e gjitha ajo, por ju nuk merreni me SPAK-un merreni me këto.
…..
-Kush e vrau Talon?
Vëllai i Dumanit: E kanë vra duke ngrënë bukë
-Kush, shokët që e kanë strehu?
Vëllai i Dumanit: Normalisht kush do e vriste. Dy ditë pasi është arrestu vëlla im. Është vrarë në restorant, po.
-Në restorant në Elbasan apo në Cërrik?
Vëllai i Dumanit: Po në Elbasan, në një restorant.
-Nga kush?
Vëllai i Dumanit: Nga vëllezërit Çopja pra, nga kush! E kanë vrarë duke ngrën bukë. Duke ngrën bukë, i kanë ardhur nga mbarapa, tek plumb, i kanë rënë mbarap kokës.
Në cilin restorant?
Vëllai i Dumanit: Restoranti ishte i vëllezëve Çopja.
Më tej ai flet me siguri se vëllai i tij nuk do të tërhiqet dhe do të vazhdojë me dëshmitë, duke sjellë arrestime të shumta në të ardhmen. Ndërsa vetë nuk ka asnjë mesazh apo ngushëllim për familjet e viktimave të Nuredinit, që sipas tij ka kryer edhe shumë vrasje të tjera.
About The Author
