Kreu i ri i SPAK, sot afati i fundit i aplikimeve; 4 emrat në garë
Procesi i përzgjedhjes së kreut të SPAK bazohet në përvojën profesionale, integritetin dhe votimin e hapur nga Këshilli i Lartë të Prokurorisë.
Ditën e sotme, 8 tetor 2025 është afati i fundit i aplikimeve për kreun e ri të SPAK-ut.
Prokurori i Strukturës së Posaçme Elvin Gogaj aplikoi dje në Këshillin e Lartë të Prokurorisë, ndërsa sot pritet që të dorëzojnë aplikimet edhe prokurorët Adnand Xholi, Doloreza Musabelliu dhe Klodian Braho.
Si zgjidhet kreu i SPAK
Drejtuesi i ri do të zgjidhet mes prokurorëve të SPAK për një mandat 3-vjeçar pa të drejtë rikandidimi. Zgjedhja e kreut të SPAK bazohet në eksperiencën në çështjet sensitive të korrupsionit dhe të krimit të organizuar; në aftësitë drejtuese, vizionin ose planin e besueshëm për organizimin e Prokurorisë, imazhin publik të karrierës së tij etj.
Pasi bëhet verifikimi i kushteve paraprake, Komisioni për Zhvillimin e Karrierës jo më vonë se 10 ditë nga mbyllja e afatit të kandidimit, paraqet për miratim në mbledhje plenare, listën e kandidatëve që plotësojnë kushtet e kandidimit.
Votimi për drejtuesin e Prokurorisë së Posaçme bëhet i hapur dhe nominal dhe kryetar i ri zgjidhet kandidati që merr më shumë vota në Këshill, pra mjafton që ai të marrë një votë më shumë se kandidatët e tjerë.
Në rast se dy a më shumë kandidatë marrin numër të barabartë votash, Këshilli me pjesëmarrjen e të gjithë anëtarëve të pranishëm, kryen një votim të dytë mes kandidatëve me numër të barabartë votash
About The Author
