“Berisha ka kërcënuar Altin Dumanin”, gazetari Mahmutaj: Saliu, presion të vazhdueshëm që dosja ’21 janari’ të mos preket
Gazetari Fatos Mahmutaj thotë se kreu i PD, Sali Berisha ka kërcënuar prokurorët e SPAK, për të mos prekur dosjen e 21 janarit.
Në një intervistë për “Ora e Fundit”, Mahmutaj u shpreh se drejtuesi i SPAK, Altin Dumani i trembet Berishës, për shkak të kërcënimeve që i janë bërë.
“Berisha i ka kërcënuar me dhjetëra herë prokurorët e SPAK. Edhe Meta i ka kërcënuar, familjarisht, Berisha ka kërcënuar pa e vrarë mendjen fare. Kemi linçim publik dhe familjar të emrave të prokurorëve. Të gjithë i tremben Berishës. Është e kotë, edhe po t’ua zgjasin mandatin, Berisha nuk do hetohet për gjërat makabre që ka bërë. Berisha do marrë dënime qesharake. Dënohet për truallin e Partizanit dhe nuk merret nën hetim për 1997, zhdukjen e Remzi Hoxhës, Gërdecin apo 21 janarit”, u shpreh Mahmutaj.
About The Author
