Kërkoi liri, gjyqtarja “sekrete” shtyn seancën për Ilir Metën
Vetëm një ditë pasi Gjykata e Lartë rrëzoi kërkesën për zhbllokimin e dosjes “Ilir Meta”, ish-presidenti u përball sot me një tjetër betejë ligjore në Apelin e Posaçëm kundër Korrupsionit dhe Krimit të Organizuar. Objekt i seancës ishte kërkesa për heqjen e masës së paraburgimit, por ajo nuk u zhvillua; u shty për më 23 tetor me kërkesë të vetë avokatëve të Metës.
Sipas mbrojtjes, problemi ka lindur nga mungesa e transparencës për emrin e gjyqtarit që do shqyrtonte çështjen. Avokati Kujtim Cakrani tha se emri i gjyqtares nuk ishte bërë publik dhe për pasojë, as Meta nuk kishte dijeni nëse kishte ndonjë konflikt interesi
Më pas u konfirmua se gjyqtare ishte Saida Dollani, një emër i njohur në sistem, por që nuk figuroi në njoftimin zyrtar të gjykatës. Sipas mbrojtjes, vetë gjyqtarja u habit nga mungesa e emrit të saj në dokumentacionin e seancës.
“Ne shkuam në gjykatë ishim njoftuar nga sekretaria dhe kryesekretaria e gjykatës dhe pasi u bë legjitimimi i palëve konstatuam se nuk ishte shënuar emri i gjyqtarit. Dhe në kuptim të kësaj dhe presidenti nuk ishte njohur kush ishte gjyqtari i seancës dhe as unë nuk isha njohur, kjo një çudi e madhe për këtë arsye unë kërkova që të shtyhet seanca që t’i komunikoj presidentit emrin e gjyqtarit kush do ta gjykojë se ai është në konflikt interesi me gjyqtarin. Gjyqtar është zonja Saida Dollani e cila u habit se në njoftim nuk ishte emri i saj, por i kryesekretares së gjykatës”, tha avokati i Metes, Kujtim Cakrani.
About The Author
