Dinamo rikthehet te fitorja, Blutë mposhtin pastër Vorën dhe vihen në ndjekje të kreut
Pas barazimit me rrjeta të paprekura kundër Egnatias një javë më parë, Dinamo është rikthyer te fitorja. Blutë kanë mposhtur me rezultatin e pastër 0-2 Vorën.
Skuadra e drejtuar nga Ilir Daja kaloi në epërsi në minutat e fundit të pjesës së parë. Pas një goditje këndi, topi shkoi te Vila i cili gjeti përgjigjen e Harizajt e pastaj ishte me fat, teksa pa topin që të përplasej në këmbët e tij e të shkonte në rrjetë.
Me fitoren minimale të kryeqytetasve u mbyll edhe pjesa e parë e ndeshjes. Në minutën e 75, Guindo hyri në zonë nga e djathta, Repaj e shtyu dhe e rrëzoi në zonë. Gjyqtari tregoi pikën e bardhë të penalltisë dhe i dha kartonin e verdhë Repajt.
2 minuta më pas, Bregu gjeti golin që i dha fitoren ekipit të Ilir Dajës.
Me këtë fitore, Dinamo ngjitet përkohësisht në vendin e dytë me 14 pikë, ndërsa Vora mban vendin e 6 me 10 pikë.
Javën e ardhshme, Dinamo do të luajë derbin e kryeqytetit përballë Partizanit, ndërsa Vora do të udhëtojë në transfertën e Ballshit, ku do të ndeshet me Bylisin.
About The Author
