Policia Kufitare dhe Njësia Policore Detare, plan masash për sezonin turistik
Durrës – Me nisjen e sezonit turistik Policia kufitare dhe Njesia Policore Detare kanë përpiluar një plan masash të hollësishëm për ushtrimin e kontrolleve intensive në të gjithë vijën bregdetare, ndaj mjeteve lundruese, kryesisht ndaj atyre të argëtimit, për verifikimin e zbatimit të ligjit dhe të rregullave të lundrimit.
Për këtë qëllim Policia Kufitare dhe Njësia Policore Detare kanë nisur kontrollet intensive përgjatë gjithë vijës bregdetare, liqenore dhe lumore, për verifikimin e dokumentacionit të mjeteve lundruese.
Si rezultat i kontrolleve në Durrës, nga Njësia Policore Detare dhe Policia Kufitare, janë konstatuar 2 mjete lundruese argëtimi Jet Ski. Gjatë verifikimit të dokumentacionit ka rezultuar se asnjëri prej mjeteve lundruese nuk kishte dokumentacion dhe për këtë arsye Policia Kufitare ka bërë bllokimin e të 2 mjeteve lundruese, si dhe ka ndëshkuar me masën administrative 10 000 lekë, secilin nga drejtuesit e tyre. Me këtë rast POlicia Kufitare I bëri thirrje edhe një here drejtuesve të mjeteve lundruese që të zbatojnë rregullat e vendosura .
Ja edhe deklarata e plotë e Policisë Kufitare.
Policia Kufitare apelon për pronarët dhe për përdoruesit e mjeteve lundruese, që të zbatojnë me korrektesë, kërkesat ligjore për daljen në det, për pajisjen me dokumentacionin përkatës dhe respektimin e zonave të sigurisë së pushuesve në plazhe.
Policia Kufitare dhe Njësia Policore Detare janë të angazhuara maksimalisht për të garantuar sigurinë në plazhe dhe në këtë kuadër, do të intensifikojnë kontrollet dhe monitorimin nga toka dhe në det, të të gjithë vijës bregdetare.
Ftojmë qytetarët që të denoncojnë në numrin pa pagesë 112, çdo rast paligjshmërie, duke iu garantuar anonimat, reagim të shpejtë dhe profesional.
About The Author
