Promovohet romani “Djali nga Blloku 66” i sjellë në shqip nga Botimet Jozef

Është zhvilluar dje në ambientet e Ambasadës së Çekisë në Tiranë promovimi i romanit “Djali nga Blloku 66” të autores Limor Regev të sjellë në shqip nga Botimet Jozef.

Në promovimin e romanit ishin të pranishëm ambasadorët e Çekisë, Izraelit dhe Sllovenisë si dhe botuesi i librit z. Aurel Kaçulini. Gjithashtu ndodhej edhe autorja e romanit Limor Regev e cila kishte ardhur në Shqipëri posaçërisht për të qenë edhe vetë e pranishme në këtë aktivitet.

Në zhvillimin e aktivitetit kontribuoi edhe shoqata “Durrësi Autokton” ku ishin të pranishëm edhe përfaqësuesit e shoqatës “Durrësi autokton, dr. Eda Harizi, ing. Hysen Myshketa , si edhe Loreta Myshketa.

Gjithashtu ndodheshin edhe personalitete të tjera , miq, të ftuar si edhe dashamirës të librit.

Romani “Djali nga Blloku 66” tregon historinë e një fëmije që i detyruar nga rrethanat Lufton çdo ditë për gjënë më të çmuar , për jetën, për egzistencën e tij si njeri

Ai është një nga djemtë hebrej që ndodhen në kampin e Bukenvaldit dhe për çdo ditë e ndjejnë pranë frymën e vdekjes. Në roman tregohet se si të burgosurit e tjerë , më të mëdhenj në moshë se këta djem, vendosën të sakrifikonin gjithka që këta fëmijë të mbijetonin. Në libër tregohet se si i burgosuri çek Antonin Kalina e shpëtoi Moshe Keslerin dhe mjaft fëmijë të tjerë duke përdorur metoda të ndryshme.

Emocion të veçantë solli edhe lidhja direkte me Izraelin me personazhin kryesor z Moshe Kessler, i cili jeton akoma dhe që shprehu falenderimin e tij të përzenërt për botuesin z. Aurel Kaçulini, që e solli këtë libër në gjuhën shqipe.