Do të ishte njeriu i përsosur për t’i dhënë asist, Broja zgjedh lojtarin që do të donte te Shqipëria
Lojtarët e Kombëtares shqiptare kanë zhvilluar sesionin e fotove zyrtare për UEFA-n. Pasi ka pozuar përpara aparatit fotografik, Armando Broja i është përgjigjur edhe disa pyetjeve të shkurtra. Gazetari Arlind Sadiku ka shpërndarë një video ku sulmuesi shqiptar pyetet se cilin lojtar të një Kombëtareje tjetër do të dëshironte ta kishte shok skuadre te shqipëria.
“Pyetje shumë e mirë. Unë do të zgjidhja Kevin De Brujnin”, është përgjigjur Armando Broja. Mesfushori belg është një nga lojtarët më të mirë në botë në pozicionin e tij dhe di të shpikë asiste nga hiçi. Lloji i futbollistit që çdo sulmues do të donte ta kishte në skuadër.
About The Author
