Temperatura rekord në Turqi dhe Qipro, përmbytet aeroporti në Spanjë
Sipas Shërbimit Kombëtar Meterologjik në Ankara temperaturat e larta do të vazhdojnë në pjesën më të madhe të vendit deri më 14 qershor duke përsëritur paralajmërimin se temperaturat parashikohen të rriten mbi normat sezonale sidomos dy ditët e fundit të javës.
Temperaturat maksimale deri në 45 C kapin kryesisht në rajonin e Antalias. Temperaturat e larta mund të rezultojnë në rritje të kërkesës për energji elektrike dhe ujë dhe një rrezik të shtuar të sëmundjeve të lidhura me nxehtësinë, kryesisht ato kardiovalskulare.
E njëjta situatë paraqitet edhe në Qipro. Zjarrfikësit aty kanë luftuar me flakët gjatë natës.
Sipas autoriteteve të emergjencës, i gjithë mekanizmi shtetëror dhe vullnetarët po kontribuojnë në shuarjen e vatrave të zjarrit. Deri më tani janë djegur disa hektarë tokë edhe pse situata po shkon drejt normalizimit.
Ndryshe paraqitet situata në Spanjë. Aeroporti i Maiorcës e pezulloj punën, duke anuluar me qindra fluturime. Sipas Euronews 53 litra shi për metër katror përmbytën terminalet, ose thënë ndryshe reshje shiu gati 5 cm në orë.
Edhe pse stuhia tashmë ka kaluar, Agjensia Meterologjike Spanjolle ka paralajmëruar për të tjera reshje duke i bërë thirrje udhëtarëve ti shikojnë herë pas here të dhënat për fluturimet e tyre.
Trafiku i pasagjerëve në aeroportin e Mallorca arriti në 31.3 milionë vitin e kaluar, një rekord i të gjitha kohërave. Ishulli me diell me plazhet e tij piktoreske është një nga destinacionet më të njohura në Evropë, veçanërisht në mesin e turistëve gjermanë dhe britanikë.
About The Author
