Putin-Erdogan dhe Xi do të bëhen bashkë në Astana, ja çfarë pritet të diskutojnë liderët

Presidenti i Rusisë, Vladimir Putin do të udhëtojë ditën e mërkurë drejt Astanasë, ku do të marrë pjesë në samitin e Organizatës së Bashkëpunimit të Shangait.

Të pranishëm në këtë takim në kryeqytetin kazak do të jenë dhe lideri turk, Rexhep Tajip Erdogan dhe presidenti i Kinës, Xi Jinping.

Me këtë të fundit, Putin u takua në muajin maj në Pekin, vetëm pak ditë pasi kishte marrë mandatin e tij si president.

SCO është një organizatë euroaziatike politike, ekonomike, ndërkombëtare e sigurisë dhe mbrojtjes e krijuar nga Kina dhe Rusia në 2001.

Anëtarët e tjerë janë India, Irani, Kazakistani, Kirgistani, Pakistani, Taxhikistani dhe Uzbekistani.

Turqia, edhe pse jo anëtare, shpesh merr pjesë në takimet e saj si “partner dialogu”.

About The Author