“Unazat e zjarrit”.Çfarë do të ndodhë në qiell për 6 minuta e 23 sekonda sot në mbrëmje?
NASA-s njofton se eklips “Unaza e Zjarrit” do të ndezë qellin e Amerikës së Jugut mbrëmjen e së mërkurës dhe do të zgjasë 6 minuta dhe 23 sekonda. Fillimisht do të jetë i dukshëm nga toka në ishullin e largët Rapa Nui, i famshëm për qindra statujat në formë koke dhe unaza e zjarrit.
Bëhuni gati për të parë eklips unazor diellor, i cili do të krijojë një ‘unazë zjarri’ mbi pjesë të Amerikës së Jugut… Eklipsi do të jetë i dukshëm mbi ishullin e Pashkëve dhe majat e Argjentinës dhe Kilit dhe është spektakli i fundit diellor i viti dhe do të zgjasë 6 minuta dhe 23 sekonda. Eklipset diellore ndodhin kur Dielli, Hëna dhe Toka rreshtohen pikërisht kështu. Hëna hedh një hije që mund të bllokojë pjesërisht ose plotësisht dritën e diellit.
Gjatë një eklipsi unazor, hëna errëson gjithçka, përveç një copëze dielli në formë unaze. Kjo për shkak se Hëna është në një pikë në orbitën e saj që është më larg nga Toka. “Hëna nuk është mjaft e madhe për të mbuluar diellin”, thanë shkencëtarët. Eklipset diellore ndodhin rreth dy deri në pesë herë në vit. Eklipsi i plotë i diellit i prillit mahniti vëzhguesit e qiellit në pjesë të Meksikës, Kanadasë dhe SHBA-së.
Eklipsi unazor është i sigurt për t’u dalluar duke veshur syze të eklipsit diellor, të cilat bllokojnë dritën ultravjollcë nga dielli dhe pothuajse të gjithë dritën e dukshme.. Ndërsa shkencëtarët bëjnë me dije se dy eklipse diellore të pjesshme do të zbukurojnë qiejt vitin e ardhshëm në mars dhe shtator. Eklipsi tjetër i plotë diellor nuk do të arrijë deri në vitin 2026 dhe do të kalojë mbi skajet veriore të Grenlandës, Islandës dhe Spanjës
About The Author
