Pse jeni këtu? Gazetarja tregon detaje nga arrestimi i Veliajt
Sipas gazetares Anila Hoxha, arrestimi i kryetarit të Bashkisë së Tiranës, Erion Veliaj, u krye në mënyrë të qetë, pa rezistencë nga ana e tij.
Në momentin që agjentët e BKH mbërritën në bashki, Veliaj ndodhej në një mbledhje me bashkëpunëtorët e tij. Hetuesit pritën që mbledhja të përfundonte përpara se t’i komunikonin akuzat dhe t’i dorëzonin dosjen me provat.
Dy zyrtarë të bashkisë kanë reaguar ndaj prezencës së BKH-së, duke kërkuar shpjegime, por Veliaj ka ndërhyrë vetë, duke u thënë të pranojnë situatën dhe të lejojnë hetuesit të kryejnë detyrën. Pas kësaj, ai është shoqëruar në makinën e tij, ku ndodheshin efektivët, dhe është dërguar menjëherë në bllokun e sigurisë, pa kaluar më parë nga ambientet e Drejtorisë së Policisë së Tiranës.
About The Author
