Fidel Ylli fiton gjyqin kundër Armando Dukës
Komiteti Olimpik Kombëtar Shqiptar (KOKSH) ka njoftuar sot përfundimin e procesit gjyqësor me Federatën Shqiptare të Futbollit (FSHF).
Gjykata e Apelit të Tiranës ka rrëzuar kërkesën e Federatës Shqiptare të Futbollit për të mos njohur asamblenë e jashtëzakonshme të Komitetit Olimpik Kombëtar Shqiptar më 10 janar 2021, që i hapi rrugën zgjedhjes së Fidel Yllit.
Më herët FSHF e çoi çështjen në gjykatën e Lozanës në CAS, duke edhe e fituar atë, por që nuk ka gjetur mbështetjen e gjykatave në vendin tonë.
Ky vendim është tashmë i formës së prerë, duke vulosur përfundimisht çështjen në favor të KOKSH.
NJOFTIMI I KOKSH
Komiteti Olimpik Kombëtar Shqiptar bën me dije se sot ka përfunduar procesi gjyqësor me Federatën Shqiptare të Futbollit. Gjykata e Apelit Tiranë me vendim të formës së prerë, ka rrëzuar kërkesën e FSHF dhe lë në fuqi vendimin e Shkallës së Parë të dhënë në Mars 2021. #TeamAlbania
About The Author
