Luajti titullar në fitoren ndaj Lacios, Asllani e pëson për gjysmëfinalen me Milanin
Kristjan Asllani ishte titullar në fitoren 2-0 të Interit ndaj Lacios në Kupën e Italisë, duke siguruar vazhdimësinë e skuadrës zikaltër në këtë turne, ku në gjysmëfinale do të jetë një përballje shumë e ethshme me Milanin.
Por përtej paraqitjes pozitive të Asllanit, mesfushori shqiptar ka marrë edhe një lajm të keq gjatë kësaj sfide. Një faull në pjesën e parë të takimit solli ndëshkimin e tij me karton të verdhe, që do të rëndojë shumë për futbollistin kuqezi.
Kjo, për faktin e thjeshtë se ai plotësoi numrin e kartonëve të verdhë në Kupë dhe do të jetë mungesë e sigurt në takimin e radhës në këtë turne.
Kësisoj, Asllani nuk do të jetë në dispozicion për ndeshjen e parë ndaj Milanit, teksa pritet të jetë një alternativë për sfidën e kthimit që vlen një biletë për në finale.
About The Author
