Prof. Dr. Zamira Çavo: Zgjedhjet janë sot politikë
Një mendim modest për Bashkimin Europian ku dëshirojmë të hyjmë.
– BE u themelua nga nevoja e krijuar pas batërdisë së Luftës së Pare e të Dytë Botërore, që ata vetë e krijuan dhe natyrisht e pësuan më shumë se cdo vend tjetër.. Pra nga Nevoja. Dhe ishin vitet 45-50 të shekullit të kaluar.
– Të paaftë t’a përballonin vetë ringritjen, pjesa perëndimore pranoi Planin Marshall me të gjitha kushtet që vinin nga pas. Kështu u vendos vija ndarëse e një luftë të ftohtë mes kësaj pjesë dhe vendeve nën ndikimin sovjetik. Ndarja e Europa pati kështu shkakun e vet Ideologjik.
– Rënia e Murit të Berlinit shkriu akujt , ndryshoi kufijtë e BRSS, ndryshoi dhe qasjen ideologjike. Pasi ideologjia nuk përbënte më as kërcënim e as ndryshim. Ama Rusia mbeti fillimisht si nje vend që pranoi dorën e shtrirë të ShB A , por shumë shpejt ritmet e saj të rimëkëmbjes dhe ringjalljes së psikologjisë së Perandorive, u bënë të papranueshme për ShBA dhe të kërcënueshme për Europën.
– Ky kërcënim e Ka bërë Europën ti mbajë sytë nga ShBA dhe të zvarritet vetë në krijimin apo forcimin e BE-s si një Pol tjetër i politikës botërore.
– E paaftë të ngrihet mbi nacionalizmat, e dembelosur nga politika, BE është sot 30 vite pas. As Federatë, as Kushtetutë e as ushtri. Dhe tani më shumë se kurrë ka NEVOJË si dikur: ose të gjejë rrugën e duhur drejt një bashkimi të qëndrueshëm ekonomik, politik e Ideologjik, ose politika e sotme agresive e presidentit Tump do t’a shpërbëjë duke shkëputur hallkat sipas interesave te rastit.
– Ajo që mbetet të shohim me vëmëndje është politika franceze dhe ajo gjermane. A do sinkronizohen dot politikisht këto dy vende apo nacionalizmat e kahershëm mes tyre do rizgjohen këtë herë me pasoja të padëshirueshme për BE?
– Zgjidhjet e sotme nuk besoj se duhen pritur nga burokracia europiane që prej vitesh vegjeton duke u paguar me taksat e qytetarëve europianë. Zgjidhjet janë sot POLITIKE. Nevoja për Bashkim të qëndrueshëm është imediate. Nacionalizmi i përforcuar me popolizëm është aty . Të presim reagimin..
About The Author
