Durrës. Arrestohet 51 vjeçari italian në port, Ishte në kërkim ndërkombëtar.
Policia Kufitare në Portin e Durrësit ka arrestuar një shtetas italian, i shpallur në kërkim ndërkombëtar.
Arrestimi i 51-vjeçarit A. G. u bë me qëllim ekstradimin drejt Venezuelës, pasi Gjykata e Caracas i ka caktuar masën e sigurisë “Arrest në burg” me akuzën për mashtrim.
Policia e Durrësit mori informacione se një shtetas në kërkim do të udhëtonte drejt Italisë.
Kapet nga Policia Kufitare dhe arrestohet me qëllim ekstradimin në Venezuelë, një 51-vjeçar i shpallur në kërkim ndërkombëtar. Shërbimet e Policisë Kufitare në Portin e Durrësit, bazuar në informacionet e siguruara nga inteligjenca policore se një shtetas në kërkim ndërkombëtar do të udhëtonte drejt Italisë, kanë intensifikuar kontrollet për kapjen e tij. Si rezultat, u kap në tentativë për të dalë nga Shqipëria dhe u arrestua me qëllim ekstradimin, shtetasi italian A. G., 51 vjeç, banues në Itali.
Ky shtetas ishte shpallur në kërkim ndërkombëtar nga Interpol Caracas, pasi Gjykata e Caracas, në vitin 2017, i ka caktuar masën e sigurisë “Arrest në burg”, për veprën penale “Mashtrimi”, parashikuar nga Kodi Penal i Venezuelës. Interpol Tirana vijon bashkëpunimin me Interpol Caracas, për ta ekstraduar këtë shtetas, në Venezuelë”, njofton policia.
About The Author
