Vokshi akuzon Vilma Nushin për abuzime me Check Up, shtyhet seanca në GJKKO
Seanca gjyqësore mes biznesmenes Vilma Nushi dhe deputetes së PD-së, Albana Vokshi, është shtyrë për shkak të mungesës së kësaj të fundit, e cila duhej të merrte pjesë në seancën parlamentare.
Ndërkohë, Vilma Nushi ishte e pranishme në GJKKO, e gatshme për t’u përballur me akuzat e ngritura nga deputetja demokrate.
Padia e ngritur nga Nushi dhe kompania 3P Life Logistic, që ka fituar koncesionin për Check Up, e akuzon Vokshin për shpifje, bazuar në Nenin 120 të Kodit Penal.
Përplasja ligjore mes palëve nisi pas deklaratave të Vokshit, e cila pretendoi se vlera e koncesionit për Check Up ishte 130 milionë euro, ndërsa pala paditëse e kundërshton këtë pretendim, duke deklaruar se kostoja reale është 63 milionë euro për një periudhë 10-vjeçare.
About The Author
