Me hapjen e tunelit të Murrizit, fluks automjetesh nga Tirana drejt Dibrës.
Një ditë pas hapjes për qarkullim, Tuneli i Murrizit ka përjetuar një fluks të lartë automjetesh. Me një gjatësi prej 3.8 kilometrash, ky tunel është pjesë e rëndësishme e Rrugës së Arbrit, e cila lidh kryeqytetin Tiranë me verilindjen e vendit.
Qytetarët shprehen entuziastë për përfundimin e këtij segmenti, duke theksuar se ai shkurton kohën e udhëtimit nga Tirana në Dibër me gati 3 orë, krahasuar me periudhën kur tuneli nuk ishte i hapur. Përveç kësaj, segmenti shërben si një nyje lidhëse me Maqedoninë dhe qytete të tjera të vendit.
Rruga e Arbrit, me një gjatësi prej 74 kilometrash, është pjesë e Korridorit të Tetë Paneuropian dhe pritet të sjellë përfitime të mëdha në transport dhe zhvillimin ekonomik të zonës.
About The Author
