Trump ndryshon qëndrim ndaj Kinës, propozon uljen e tarifave doganore në këmbim të një marrëveshje për Tik- Tok
Presidenti amerikan Donald Trump ka propozuar një zgjatje të afatit të tarifave doganore ndaj Kinës, në këmbim të një marrëveshjeje për rrjetin social TikTok. Trump tha se ai ishte i gatshëm të ofronte një reduktim të tarifave për Kinën nëse arrihet një marrëveshje për të menaxhuar çështjen e TikTok. Në Janar, ai kishte shtyrë zbatimin e një ligji që ndalon TikTok për shkak të shqetësimeve për sigurinë kombëtare, pasi ai mund të përdoret nga Kina për të mbledhur të dhëna për qytetarët amerikanë.
Sipas ligjit të miratuar në vitin 2024, TikTok, që është pronë e kompanisë kineze ByteDance, ka afat deri më 5 prill për të gjetur një blerës jo-kinez, përndryshe do të përballet me një bllokim në SHBA. Trump sugjeroi mundësinë që Kina të luajë një rol në këtë proces, ndoshta duke miratuar një marrëveshje, duke e lidhur këtë me një ulje të mundshme të tarifave doganore.
Nga ana tjetër, një zëdhënës i Ministrisë së Jashtme të Kinës ka ripërsëritur kundërshtimin e Pekinit ndaj vendosjes së tarifave shtesë, duke theksuar se qëndrimi i Kinës ka qenë gjithmonë i qartë dhe i pandryshuar.
About The Author
