GJKKO shqyrton sot ankimimin e Veliajt për ndryshimin e masës ‘arrest në burg’
Ditën e sotme, gjyqtari i posaçëm i hetimit paraprak, Erjon Bani, pritet të shqyrtojë kërkesën për lirim nga qelia të kryetarit të Bashkisë së Tiranës, Erion Veliaj.
Veliaj prej më shumë se 2 muajsh ndodhet në qelinë e paraburgimit në Durrës i dyshuar për 2 akuza, për korrupsion pasiv dhe pastrim parash.
Kryebashkiaku i Tiranës, kërkon të lirohet nga qelia dhe i është drejtuar Gjykatës së Posaçme me kërkesën për revokim ose zëvendësim të masës së sigurisë të arrestit me burg, masë e cila është konfirmuar edhe nga Apeli i Posaçëm më 12 shkurt, e që pritet që në vijim avokatët e tij të bëjnë rekurs në Gjykatën e Lartë.
Gjithashtu kryebashkiaku ka kërkuar edhe informacion 2 mujor nga Prokuroria e Posaçme Antikorrupsion lidhur me hetimet që po kryhen ndaj tij.
About The Author
