Durrësi përfaqëson zgjedhjet. Kandidati i PD Aulon Kalaja e cilëson qarkun si “barometër” politik
Kandidati për deputet i PD-së në qarkun e Durrësit, Aulon Kalaja, tha në një intervistë televizive se ky qark ka një rëndësi të veçantë për zgjedhjet parlamentare të 11 majit, duke përbërë 10% të përbërjes së Kuvendit të ardhshëm. Ai e cilësoi Durrësin si “barometër zgjedhor” dhe solli në vëmendje rolin që ky qark luajti në fitoren e PD-së në vitin 2005.
Kalaja theksoi se ka zgjedhur të kandidojë në Durrës, dhe jo në Tiranë ku ka zhvilluar karrierën, për të përfaqësuar qytetin e tij të lindjes, Fushë-Krujën. Ai kritikoi ndarjen territoriale që hoqi statusin e bashkisë për këtë njësi me 50 mijë banorë, duke e quajtur një “hartë elektorale” që ka zbehur identitetin vendor.
Kalaja premtoi se, nëse zgjidhet deputet, nisma e tij e parë do të jetë rikthimi i statusit të bashkisë për Fushë-Krujën.
“Durrësi është kampioni i rezultatit final. Unë zgjodha të kandidoj aty për të përfaqësuar qytetin tim të lindjes. Fushë-Kruja është qyteti që ka mikpritur presidentin amerikan dhe Papën, e meriton të rikthehet si bashki. Ky do të jetë angazhimi im i parë në Kuvend,” – tha Kalaja.
About The Author
