Durrës.Kandidatja e PD Edlira Harizi (Shemsi) vazhdon takimet në lagjen Nr 8 : Do të jem gjithnjë në mbështetje të qytetarëve
Kandidatja e Partisë Demokratike për qarkun e Durrësit doktoresha Edlira Harizi e ka nisur javën me ftesen e banorëve të lagjes nr. 8-të me të cilët zhvilloi një bashkëbisedim miqësor duke shpjeguar edhe pika të veçanta nga programi i forcës politike që ajo përfaqëson.
Unë duke qenë mjeke në profesion , u shpreh kandidatja Harizi jam e mirëpritur në çdo lagje të qytetit, por prapë se prapë jam e befasuar nga pritja juaj e ngrohtë dhe ju jam mirenjohese.
Gjatë takimit dr. Edlira Harizi Shemsi përveç të tjerave u ndal më shumë në programin shëndetësor të Partisë Demokratike Ajo premtoi se brenda mandatit katërvjeçar lista e ilaçeve të rimbursueshme do të jetë e barabartë me nivelet evropiane. Gjithashtu dr. Harizi theksoi se në parlamentin e ardhshëm do të jetë një nga mbështetëset kryesore të ngritjes së Paketës së Dhembshurisë, e cila do t’i ktheje dinjitetin njerëzor shtresave në nevojë
Një pikë tjetër të programit të Partisë Demokratike në të cilën u ndal Edlira Harizi ishte rritja e çmimeve që kanë sjellë shtrenjtimin i nivelit të jetesës. Ajo premtoi se që në vitin e parë të qeverisjes, do të fillojë rritja e rrogave dhe vit pos viti rritja do të vazhdojë deri kur rroga mesatare të jetë mbi 1000 euro., ndësa rrogat e mjekëve do të dyfishohen dhe të jenë të barabarta me rrogat e mjekëve të Evropës. Vetëm kështu do të ndalojë largimi i mjekëve dhe shpopullimi i vendit shtoi më tej Harizi.
Por përveç se një mjeke mjat e përkushtuar dhe me një karrierë pothuajse 30-vjeçare, Edlira Harizi është edhe një nga aktivistet e dalluara të shoqatës “Durrësi Autokton” dhe duke qenë një nga drejtueset e kësaj shoqate ajo vuri theksin tek betonizimi i qytetit duke zhdukur nën beton edhe trashëgiminë kultutore të Durrësit.
Unë do të jem gjithnjë zëri juaj premtoi Harizi. Na mbështesni që edhe ne t’u mbështesim . Ka ardhur koha për ndryshim.
Takimi mbaroi me premtimin e kandidates Edlira Harizi (Shemsi) se do të kthehet përsëri shumë shpejt.
About The Author
