Irani refuzon thirrjen e Trump, Khamenei: Nuk na imponohet dot askush! Çdo ndërhyrje ushtarake e SHBA ndaj nesh do të sillte dëme të pariparueshme
Udhëheqësi Suprem i Iranit, Ajatollah Ali Khamenei, tha se vendi i tij nuk do ta pranojë thirrjen e Presidentit të SHBA-së Donald Trump për një dorëzim pa kushte.
Khamenei tha se paqja ose lufta nuk mund t’i imponohen Republikës Islamike.
“Njerëzit inteligjentë që e njohin Iranin, kombin iranian dhe historinë e tij nuk do t’i flasin kurrë këtij kombi me gjuhë kërcënuese, sepse kombi iranian nuk do të dorëzohet. Amerikanët duhet ta dinë se çdo ndërhyrje ushtarake amerikane padyshim që do të shoqërohet me dëme të pariparueshme”, tha ai në një deklaratë.
Mijëra njerëz u larguan nga Teherani të mërkurën, pasi avionët luftarakë izraelitë bombarduan qytetin gjatë natës.
About The Author
