Rama harroi “kasollet”, ndërkohë në Sarandë ndërtohet kat pa leje në mes të shetitores!

Flluska mediatike u shua më shpejt se një konferencë për shtyp në oborrin e Surrelit. Dhe ndërkohë që ai hesht, Saranda ngre kate të reja pa leje, pa frikë, pa ligj.

Edi Rama, me zhurmë e tam-tam, shpalli një betejë epike kundër ndërtimit informal. Luftoi kasollen në Theth si të ishte Kalaja e Rozafës. Por, vetëm një javë më pas, Kryeministri duket se ka harruar misionin e tij të shenjtë.

Flluska mediatike u shua më shpejt se një konferencë për shtyp në oborrin e Surrelit. Dhe ndërkohë që ai hesht, Saranda ngre kate të reja pa leje, pa frikë, pa ligj.

Në qendër të shetitores së Sarandës, nën hundën e policisë, bar-restorant “Centrali” i shtetasit Jorgo Kondi (NIPT L041248010) ka ngritur një kat të plotë pa leje ndërtimi. Po, pa leje. Dhe pa ndrojtje. Sepse kur ndërton mbi themelet e krimit të organizuar, mbështetja politike nuk është problem, është bonus.

IMT Sarandë? Mbyllur në zyrë me kondicioner. Policia? E ka parë ndërtimin, por ndoshta po pret ndonjë faturë të re… në dorë.

Edi Rama? I zënë me “art vizual” në Instagram.

Pyetja që shtrohet nuk është më “kush ka ndërtuar”, por kush e ka mbuluar. Sepse ndërtimi pa leje në qendër të qytetit është si një elefant në dhomë: e shohin të gjithë, por askush nuk flet.

Ironia është që qytetarët e zakonshëm rrënohen për një parvaz ballkoni jashtë projektit, ndërsa kate të tëra ngrihen mbi të ardhura të pista dhe lidhje me pushtetin.

Dhe kështu, drejtësia urbane e Rilindjes na kujton përrallën e famshme: kasollja rrëzohet, pallati pa leje shpërblehet./In-front.org

About The Author