Putin – Von Der Leyen: Kur “fantazma ruse” përdoret si alibi për të shpëtuar kokën e presidentes së Komisionit Europian

Von der Leyen dhe Pfizer: mesazhe të zhdukura, apartament i paprekshëm dhe shumë pyetje pa përgjigje…

Pas refuzimit të mocionit të mosbesimit ndaj Ursula von der Leyen nga Parlamenti Europian, Komisioni Europian është vënë në lëvizje për të dhënë një justifikim publik: “pas kësaj iniciative qëndrojnë rusët.” Kjo është teza e lakuar nga zëdhënësit e Brukselit dhe e përforcuar nga një raport mbi një rrjet propagandistik të lidhur me Moskën, i cili supozohet se ka sulmuar figurën e presidentes së Komisionit në rrjete sociale.

Por sipas Marcello Foa, gazetar dhe ish-president i RAI-t, kjo është një manovër klasike për të shmangur debatin real mbi problemet e mëdha që rëndojnë mbi mandatin e von der Leyen: Pfizer, Qatargate, mungesa e transparencës dhe fuqizimi i paarsyeshëm i rolit të saj.

“Zjarri ka qenë aty, rusët vetëm frynë mbi flakë”

Foa e përmbledh qartë: edhe nëse propaganda ruse ka ndikuar në opinion, arsyet reale për mocionin janë të brendshme dhe të justifikuara. Nga kontratat e errëta me Pfizer, te ndërhyrjet në çështje të brendshme si riarmatimi, presidentja e Komisionit ka grumbulluar një sërë kritikash legjitime që nuk mund të relativizohen duke treguar nga Kremlini.

Alibia e zakonshme: nëse të kritikon Rusia, je në anën e duhur

Foa shpjegon se ky është një mekanizëm i njohur propagandistic, i ngjashëm me atë të përdorur në SHBA gjatë “Russiagate” kundër Trump: kur je në vështirësi, shpik një armik të jashtëm për të shmangur llogaridhënien. E në këtë rast, Brukseli përpiqet të portretizojë Ursula-n si viktimë të një sulmi hibrid rus, për të mbytur diskutimin mbi keqmenaxhimet e saj reale.

Pse nuk e lejuan të hetohet? A është mbi ligjin Ursula?

Një nga akuzat më shqetësuese që ngre Foa është ajo e “eksterritorialitetit juridik”: Von der Leyen jeton në një apartament brenda Komisionit, i cili nuk mund të bastiset nga drejtësia belge. Një mburojë ligjore që e vendos përtej çdo kontrolli. Kujtojmë se edhe mesazhet e saj me CEO-n e Pfizer, Albert Bourla, janë zhdukur pa gjurmë, një precedent shumë i rrezikshëm për standardet e transparencës demokratike.

Konkluzioni: Ursula po mbahet me propagandë, jo me besim

Në vend që të përgjigjet për akuzat konkrete dhe të japë llogari për veprimet e saj si kryetare e Komisionit Europian, Von der Leyen përpiqet të rikthejë diskursin në terma ideologjikë dhe të sigurisë, duke përdorur “fantazmën e rusëve” si mburojë politike. Por kësaj here, as kjo s’po mjafton për të ndaluar valën e pakënaqësisë që po rritet edhe brenda vetë BE-së./Pamfleti

About The Author