Nëna e Kylian Mbappe flet për të ardhmen e djalit të saj
Nëna e Kylian Mbappe dhe agjentja e tij Fayza Lamari ka lënë të kuptohet se djali i saj do të nënshkruajë për Real Madrid këtë verë. Mbappe pritet të nënshkruajë një marrëveshje pesëvjeçare me Los Blancos, dhe gjëja më e rëndësishme për t’u vendosur ende është se kur do të jetë njoftimi zyrtar.
Gazetarët rrethuan nënën dhe agjenten e Mbappes, Fayza Lamari, dhe e pyetën se ku do të luajë Kylian sezonin e ardhshëm?
“Unë mendoj se ju tashmë e dini”, u përgjigj zonja Lamari me një buzëqeshje të madhe në fytyrën e saj.
Është pothuajse një marrëveshje e përfunduar që Mbappe do të luajë në Real Madrid sezonin e ardhshëm. Burime të shumta të besueshme konfirmojnë se një marrëveshje është arritur që nga muaji shkurt apo mars.
Familja e Mbappes, veçanërisht nëna e tij, thuhet se e bindi atë të qëndronte në PSG në vitin 2022, veçanërisht pas thirrjes së presidenti francez për të qëndruar.
Tani historia ka përfunduar me Mbappen të vendosur për të arritur ëndrrën e tij për të luajtur në Santiago Bernabeu.
About The Author
