Lojtari i Monacos pezullohet me katër ndeshje pasi fshehu simbolin anti-homofobi
Mesfushori i Monakos, Mohamed Camara u pezullua me katër ndeshje nga liga franceze pasi fshehu një mesazh kundër homofobisë në fanellën e ekipit gjatë ndeshjes së fundit të klubit në ligë të sezonit.
Liga franceze organizoi fushatën e saj vjetore kundër diskriminimit gjatë raundit të fundit të fundjavës me çdo skuadër të veshur me një distinktiv me fjalën “homofobi” të gërvishtur. Camara ngjiti distinktivin gjatë fitores 4-0 të skuadrës së tij ndaj Nantes, dhe gjithashtu anashkaloi foton e grupit para ndeshjes ku të gjithë lojtarët qëndronin përpara një baneri me të njëjtin mesazh.
Ministrja franceze e Sportit, Amélie Oudéa-Castéra i quajti veprimet e Camara “të papranueshme” dhe bëri thirrje për “sanksione të forta” si kundër lojtarit ashtu edhe ndaj klubit.
Ky ishte sezoni i katërt radhazi që klubet profesionale në Francë ftoheshin të përdornin numra, shirita ose arna në bluzat e tyre në ngjyrë ylberi për të mbështetur lëvizjen LGBTQ. Çdo vit lindin polemika të ngjashme.
Në vitin 2022, mesfushori i Evertonit, i lindur në Senegale, Idrissa Gueye, i cili atëherë luante për PSG-në, refuzoi të merrte pjesë në një lojë që kërkonte nga lojtarët të vishnin fanella me numra në ngjyrë ylberi. Presidenti i Senegalit Macky Sall mbështeti publikisht Gueye, duke thënë se “bindjet e tij fetare duhet të respektohen”.
About The Author
