Vijojnë kontrollet intensive në kuadër të “Sundimit të Ligjit”, për parandalimin dhe goditjen e paligjshmërive.
Sipas informacioneve të Drejtorisë së Policisë Durrës më datë 14.06.2024, u arrestua në flagrancë, shtetasi G K., i datëlindjes 08.07.1970, banues në Sukth, Durres, sepse, ne lagjen “Vardardhe”, Sukth, nga kontrolli i ushtruar ne lokalin e tij, u konstatua që me anë të telefonit të tij ushtronte e aktivitetit të kundraligjshëm të lojërave të fatit. Në cilësinë e provës materiale u bllokuan 2 aparate telefoni.
Ndërsa gjatë kontrolleve në Kavajë shërbimet e Komisariatit të Policisë Kavajë, arrestuan në flagrancë shtetasin K. Ç., 18 vjeç, banues në Golem, Kavajë, për veprën penale “Organizimi ose ushtrimi i veprimtarive të lojërave të fatit në kundërshtim me ligjin”, si dhe proceduan penalisht pronarin e lokalit, shtetesin T. K., 26 vjeç, banues në Qerret, Kavajë, për veprën penale “Vënia në dispozicion e lokaleve për lojëra të palejuara”.
Materialet procedurale i kaluan Prokurorisë, për veprime të mëtejshme.
About The Author
