Tensionet e shumta në veri, paralajmëron zëdhënësi i BE: Kosova të shmangë veprimet e pakoordinuara.
Zëdhënësi i Bashkimit Evropian, Peter Stano ka deklaruar se janë në kontakt të vazhdueshëm me palët në Kosovë sidomos pas tensioneve të fundit në veri. Ai thekson se situata në veri është e paqëndrueshme dhe se shqetësimi i tyre është se veprime të tilla të pakoordinuara mund të kontribuojnë në rritjen e tensioneve dhe përshkallëzimin e situatës.
“Bashkimi Evropian është në kontakt të vazhdueshëm me homologët kosovarë në nivele të ndryshme, në formate të ndryshme, dhe ne po i përcjellim mesazhet dhe pritjet tona shumë qartë. Nuk do ta përsëris atë që thamë në reagimin tonë të javës së kaluar, kur u zhvillua aksioni në veri të Kosovës kundër disa institucioneve të drejtuara nga serbët lokal atje”, u shpreh ai.
About The Author
