Sot dhe nesër luhen takimet e javës së katërt, spikat Partizani-Dinamo City.
Pas pauzës prej ndeshjeve të Kombëtareve në Nations League rikthehet kampionati “Abissnet Superiore”, me takimet e javës së 4-të që do të luhen të ndara në dy ditë, sot dhe nesër.
Ndeshja hapëse e kësaj jave është Bylis-Tirana, që do të luhet në stadiumin “Adush Muça” të Ballshit, duke nisur prej orës 16:00. Në mbrëmje në orën 19:00 do të luhen edhe dy ndeshje të tjera, Vllaznia-Egnatia e Skënderbeu- Teuta.
Në stadiumin “Loro Boriçi” do të zhvillohet supersfida Vllaznia-Egnatia, ndërsa në Korçë do të luhet takimi Skënderbeu-Teuta.
Nesër në 19:00 do të zhvillohen edhe dy ndeshjet e fundit të javës së 4-të. Në “Arenën e Demave” Partizani do të përballet me Dinamo City, ndërsa në “Elbasan Arena” do të luhet sfida AF Elbasani-Laçi.
About The Author
