Portieri që bëri histori në Euro 2024 do transferohet tek Man City si zëvendësues i Ederson.

Manchester City ka vendosur që të shtojë përpjekjet për të sjellë një zëvendësim afatgjatë për portierin Ederson dhe tashmë kanë identifikuar objektivin e tyre kryesor. 

FootballTransfers ka raportuar ekskluzivisht se City po shikon në Portugali për portierin e tyre të radhës, me Ederson i cili po tërheq interesim të madh nga disa klube nga Superliga e Arabisë. 

Ederson po ashtu ka fituar edhe Ligën e Kampionëve me Cityn, por do të mbushë 32 vjet në pjesën e parë të sezonit të ardhshëm, dhe meqenëse kontrata i skadon në verën e 2026, ‘Qytetarët’ kanë vendosur se është koha të veprojnë. 

Sipas FootballTransfers, City është i etur dhe tashmë në bisedime për portierin e Portos dhe kapitenin Diogo Costa. Njësoj si Ederson, Costa është i përfaqësuar nga Jorge Mendes dhe Gestifute. 

Costa e ka fituar dy herë kampionatin portugez me Porton dhe kryeson në ligë për më së shumti porta të paprekura këtë sezon dhe në të kaluarin. 

Vetëm katër portierë në elitën e futbollit portugez kanë një përqindje më të mirë të pritjeve në sezonin 2024/2025 se sa Costa. Ai, me pak fjalë, është shumë efektiv dhe padyshim në mesin e më të mirëve në Portugali. 

Costa pret mesatarisht 3.2 goditje në drejtim të tij këtë sezon, që është shifër dyfish më e lartë se sa ajo e Ederson. 

Reprezentuesi portugez bëri historinë në Euro 2024 duke pritur tri penallti në ndeshjen ndaj Sllovenisë në kuadër të 1/16-tave. 

Në rast se transferohet tek Man City, ai do t’i bashkohej një grupi lojtarësh portugezë si Ruben Dias, Bernardo Silva dhe Matheus Nunes

About The Author