Arrestimi i Veliajt. Gazetarja Klodiana Lala: “Ardit Gjoklaj, festo atje lart me engjëjt”
Gazetarja Klodiana Lala ka bërë një postim prekës në rrjetet sociale ku shkruan “Ardit Gjoklaj festo atje lart me engjëJT”. Lala vijon postimin duke shtuar se kryebashkiaku i Tiranës Erion Veliaj nuk është sot në burg për vrasjen e Gjoklajt, por prej zullumit të vet.
“Ardit Gjoklaj festo atje lart me engjejt! Erjon Veliaj nuk është në burg për vrasjen tendë, por prej zullumit të vet”, shkruan gazetarja.
Ardit Gjoklaj punonte në landfillin e Sharrës bashkë me të vëllain. Ai humbi jetën nga përplasja me fadromën, ndërkohë që ai punonte nën moshë dhe pa asnjë siguri për jetën. Shoqëria civile dhe opozita bëjnë fajtor për këtë ngjarje të rëndë edhe kryetarin e Bashkisë Tiranë, Erion Veliaj, pasi ishte Veliaj që inaguroi disa muaj para se të ndodhte ngjarja këtë landfill dhe garantoi se puna do të kryhej sipas të gjitha standarteve.
About The Author
