“Balluku, përfitime personale”- Bardhi rendit abuzimet me “Tigrin 1” dhe “Tigrin 3”: Fituesi i tënderit ishte i paracaktuar! Për këtë aferë u prodhuan 2 vendime qeverie
Kryetari i Grupit Parlamentar të PD, Gazment Bardhi denoncoi abuzimet e ministres së Infrastrukturës dhe Energjisë, Belinda Balluku me TEC e lëvizshëm “Tigri 1 dhe “Tigri 3”.
Në një komunikim nga kryesia e Kuvendit, Bardhi u shpreh se Balluku ka shpërdoruar para publike për përfitime personale.
Sipas tij fituesi i tënderit për asetet gjeneruese termike ishte i paracaktuar dhe se, së paku, 80 milionë euro, që janë paguar, nuk dihet pse, nuk dihet kujt.
Sipas Bardhit, ndërkohë që tenderi në Shqipëri ishte ende i hapur formalisht, ‘kompania Excelarate Energy ka njoftuar autoritetet përkatëse amerikane se e kishte fituar atë. Pala shqiptare, e përfaqësuar nga Belinda Balluku, e shpalli fituesin në mars 2022’.
“Le të vazhdojmë me abuzimet e tjera që na çojnë sërish tek i njëjti përfundim- fituesi i tënderit për asetet gjeneruese termike ishte i paracaktuar dhe se, së paku, 80 milionë euro, që janë paguar, nuk dihet pse, nuk dihet kujt.
Një tjetër fakt që e provon se kriteret e tenderit u qepën për kompaninë e paracaktuar është fakti që KESH kërkoi më janar asete gjeneruese me fuqi 110 MegaVat. Pse 110 dhe jo 100 apo 120? Apo çdo shifër tjetër? Përgjigja është e thjeshtë.
About The Author
