Identifikohet trupi i dekompozuar/ Gjendet i pajetë një 49-vjeçar pranë trafikndarëses! Policia: Mund të jetë përplasur nga makina para disa muajsh

Një trup i pajetë është gjetur mëngjesin e kësaj të enjte (6 mars) nga punonjësit e mirëmbajtjes së rrugëve pranë trafikndarëses në autostradën ‘Milot-Thumanë’

Ata kanë gjetur viktimën 49-vjeç gjatë punës rutinë që kryejnë në këtë aks dhe menjëherë kanë lajmëruar policinë.

Konkretisht trupi i dekompozuar është gjetur në kryqëzimin ku ndahen aksi i rrugës së Kombit me segmentin drejt Lezhës.

Paraprakisht dyshohet se viktima mund të ketë humbur jetën si pasojë e përplasjes nga automjetet para disa muajsh.

Pritet kryerja e autopsisë për të përcaktuar shkaqet e vdekjes së tij.

‘Rreth orës 08:50, është gjetur në trafikndarësen e autostradës “Milot-Thumanë”, në fshatin Shullaz, një trup njeriu, i dekompozuar. Nga verifikimet paraprake dyshohet se trupi i përket shtetasit E. N., 49 vjeç, banues në Laç. Gjithashtu, nga veprimet paraprake dyshohet se ky shtetas e ka humbur jetën para disa muajsh, si pasojë e një aksidenti rrugor”, informoi sot policia.

Kurbin/Informacion paraprak

Rreth orës 08:50, është gjetur në trafikndarësen e autostradës “Milot-Thumanë”, në fshatin Shullaz, një trup njeriu, i dekompozuar. Nga verifikimet paraprake dyshohet se trupi i përket shtetasit E. N., 49 vjeç, banues në Laç. Gjithashtu, nga veprimet paraprake dyshohet se ky shtetas e ka humbur jetën para disa muajsh, si pasojë e një aksidenti rrugor.

Grupi hetimor, në drejtimin e Prokurorisë, po punon për dokumentimin e shkakut të vdekjes së këtij shtetasi.

About The Author