Rusia paralajmëron Izraelin: Vrasja e Khamenit do të hapte kutinë e Pandorës
Rusia është shprehur qartë se ndryshimi i regjimit në Iran është i papranueshëm dhe vrasja e Udhëheqësit Suprem të vendit do të hapte “kutinë e Pandorës.
Kështu deklaroi zëdhënësi i Kremlinit, Dmitry Peskov në një intervistë për Sky News.
I pyetur se si do të reagonte Rusia nëse Izraeli do të vriste Ajatollahun Ali Khamenein, Peskov theksoi: “Do reagonim shumë negativisht, ne do ta kundërshtonim fuqimisht atë. Do të çonte në lindjen e atmosferave ekstremiste në Iran dhe ata që flasin për (vrasjen e Khameneit), duhet ta dinë mirë këtë”, tha Peskov.
Në lidhje me ndryshimin e regjimit në Iran, ai e cilësoi: “Është i paimagjinueshëm”.
“Duhet të jetë i papranueshëm, madje edhe të flasësh për këtë duhet të jetë e papranueshme për të gjithë”, theksoi Peskov.
About The Author
